ଅନୁସୂଚିତ ଜାତି (SC) ଓ ଅନୁସୂଚିତ ଜନଜାତି (ST) ସମ୍ପ୍ରଦାୟର ଜମିକୁ ଧନୀ ଓ ପ୍ରଭାବଶାଳୀ ବ୍ୟକ୍ତିମାନେ ଚାପ କିମ୍ବା ପ୍ରଲୋଭନ ଦେଇ ହଡ଼ପ କରିପାରିବେ ନାହିଁ। ଯଦି SC/ST ସମ୍ପ୍ରଦାୟର ଲୋକେ ଝିଅର ବିବାହ, ଚିକିତ୍ସା, କିମ୍ବା ସନ୍ତାନଙ୍କ ଉଚ୍ଚଶିକ୍ଷା ପାଇଁ ଜମି ବିକ୍ରି କରିବାକୁ ଚାହାଁନ୍ତି, ତେବେ ସେମାନେ କେବଳ ସରକାରଙ୍କୁ ବିକ୍ରି କରିପାରିବେ।
ରାଜସ୍ୱ ମନ୍ତ୍ରୀ ସୁରେଶ ପୂଜାରୀ ଘୋଷଣା କରିଛନ୍ତି ଯେ ସରକାର ଏହି ଜମି କିଣି ତାହାକୁ ୨ ରୁ ୩ ବର୍ଷ ପର୍ଯ୍ୟନ୍ତ ନିରାପଦ ହେପାଜତରେ ରଖିବ। ଏହି ସମୟ ମଧ୍ୟରେ ମୂଳ ଜମି ମାଲିକ ଚାହିଁଲେ ତାହାକୁ ପୁନରୁଦ୍ଧାର କରିପାରିବେ।
SC/ST ସମ୍ପ୍ରଦାୟର ଜମି ସୁରକ୍ଷା ପାଇଁ ରାଜ୍ୟ ସରକାର ଏକ କୋର୍ପସ ଫଣ୍ଡ ଗଠନ କରିବ। ଏହି ସମ୍ପ୍ରଦାୟର ଜମି ବିକ୍ରି କେବଳ ସରକାରଙ୍କୁ ହେବ, କୌଣସି ଧନୀ ବା ବ୍ୟକ୍ତିଗତ କ୍ରେତା ଏହାକୁ କିଣିପାରିବେ ନାହିଁ, ଚାହେଁ ସେମାନେ ଯେତେ ପ୍ରଭାବଶାଳୀ ହୁଅନ୍ତୁ କିମ୍ବା ଚାପ ଦେଉନ୍ତୁ।
ରାଜସ୍ୱ ବିଭାଗର ଅତିରିକ୍ତ ମୁଖ୍ୟ ସଚିବଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ କମିଟି ଗଠନ କରାଯିବ। ଏହି କମିଟିରେ SC/ST କଲ୍ୟାଣ ବିଭାଗର ସଚିବ ଓ ନିର୍ଦ୍ଦେଶକ, ବିଷୟ ବିଶେଷଜ୍ଞ, ବିଧାୟକ ଓ SC/ST ଗୃହ କମିଟିର ମତାମତ ନିଆଯିବ।
ସମସ୍ତ ପ୍ରସ୍ତାବ ଓ କମିଟିର ରିପୋର୍ଟ ପରଖିବା ପରେ ହିଁ ଅନ୍ତିମ ନିଷ୍ପତ୍ତି ନିଆଯିବ। ଆବଶ୍ୟକ ହେଲେ ସରକାର ନିଜେ ଜମି କିଣିବ ଏବଂ ମୂଳ ମାଲିକ ନିର୍ଦ୍ଦିଷ୍ଟ ସମୟ ମଧ୍ୟରେ ଚାହିଁଲେ ତାହାକୁ ଫେରାଇ ନେଇପାରିବେ।
ଏହି ପଦକ୍ଷେପ ହଜାଣିଆ ସମ୍ପ୍ରଦାୟର ସମ୍ପତ୍ତି ଓ ସମ୍ମାନକୁ ସୁରକ୍ଷା ଦେବା ସହ ଅନ୍ୟାୟରୁ ଜମି ହଡ଼ପ ରୋକିବାକୁ ଲକ୍ଷ୍ୟ ରଖିଛି।
