ବରଗଡ଼,: ବରଗଡ଼ ସହରର ଗଣପତି ହୋଟେଲ ନିକଟସ୍ଥ ଜୁଡ଼ିଓ ମଲ୍ ସମ୍ମୁଖରେ ଗୁରୁବାର ଅପରାହ୍ଣ ପ୍ରାୟ ୩.୩୦ ମିନିଟ୍ ସମୟରେ ଏକ ଦୁ୬। ବିକାଶ ସ୍କୁଲର ଏକ ବସ୍ ରାସ୍ତାରେ ଚାଲିଯାଉଥିବା ଜଣେ ମହିଳାଙ୍କୁ ଧକ୍କା ଦେଇଛି। ଏହି ଘଟଣାରେ ମହିଳାଜଣକ ଗୁରୁତର ଆହତ ହୋଇଛନ୍ତି।ସ୍ଥାନୀୟ ସୂତ୍ରରୁ ଜଣାପଡ଼ିଛି ଯେ, ମହିଳାଜଣକ ରାସ୍ତା ଦେଇ ଚାଲିଯାଉଥିବା ବେଳେ ଅତ୍ୟଧିକ ଗତିରେ ଆସୁଥିବା ବିକାଶ ସ୍କୁଲର ବସ୍ ତାଙ୍କୁ ଧକ୍କା ଦେଇଥିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ ମହିଳାଜଣକ ଘଟଣାସ୍ଥଳରେ ଗୁରୁତର ଆହତ ହୋଇପଡ଼ିଥିଲେ। ତୁରନ୍ତ ସ୍ଥାନୀୟ ଲୋକେ ଏକତ୍ରିତ ହୋଇ ତାଙ୍କୁ ଉଦ୍ଧାର କରି ବିକାଶ ହସ୍ପିଟାଲରେ ଭର୍ତ୍ତି କରିଥିଲେ। ଡାକ୍ତରଙ୍କ ମତରେ, ମହିଳାଙ୍କ ଅବସ୍ଥା ଗୁରୁତର ରହିଛି ଏବଂ ତାଙ୍କୁ ନିବିଡ଼ ଚିକିତ୍ସା ଦିଆଯାଉଛି।
ଖବର ପାଇ ବରଗଡ଼ ଥାନା ପୋଲିସ ଘଟଣାସ୍ଥଳରେ ପହଞ୍ଚି ବସ୍କୁ ଜବତ କରିଛି ଏବଂ ଚାଳକଙ୍କୁ ଗିରଫ କରାଯାଇଛି। ପୋଲିସ ସୂତ୍ରରୁ ଜଣାପଡ଼ିଛି ଯେ, ଚାଳକଙ୍କ ବିରୋଧରେ ଅବହେଳାଜନିତ ଡ୍ରାଇଭିଂ ଏବଂ ଦୁର୍ଘଟଣା ଘଟାଇବା ଅଭିଯୋଗରେ ଏକ ମାମଲା ରୁଜୁ କରାଯାଇଛି। ଘଟଣାର କାରଣ ଜାଣିବା ପାଇଁ ପୋଲିସ ପ୍ରତ୍ୟକ୍ଷଦର୍ଶୀଙ୍କ ବୟାନ ରେକର୍ଡ କରୁଛି ଏବଂ ଆଖପାଖରେ ଥିବା ସିସିଟିଭି ଫୁଟେଜ୍ ଯାଞ୍ଚ କରୁଛି। ଏହି ଦୁର୍ଘଟଣାକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ସ୍କୁଲ ବସ୍ଗୁଡ଼ିକର ନିୟମିତ ଯାଞ୍ଚ ଏବଂ ଚାଳକମାନଙ୍କ ପାଇଁ କଡ଼ା ନିୟମାବଳୀ ଲାଗୁ କରିବାକୁ ଦାବି କରିଛନ୍ତି।
