ଓଡ଼ିଶା: ବିଧାୟକ ଓ ସାଂସଦଙ୍କୁ ନିର୍ବାଚନ ମଣ୍ଡଳୀ ଭିତରେ ଶିକ୍ଷକ ବଦଳି ସୁପାରିସ ଅଧିକାର

ବିଧାୟକ ଓ ସାଂସଦମାନେ ନିଜ ନିର୍ବାଚନ ମଣ୍ଡଳୀ ଭିତରେ ସର୍ବାଧିକ ୧୫ ଜଣ ଶିକ୍ଷକଙ୍କ ବଦଳି ପାଇଁ ସୁପାରିସ କରିପାରିବେ। ବିଦ୍ୟାଳୟ ଓ ଗଣଶିକ୍ଷା ବିଭାଗର ଯୁଗ୍ମ ସଚିବ ଏନେଇ ମାଧ୍ୟମିକ ଶିକ୍ଷା ନିର୍ଦ୍ଦେଶକଙ୍କୁ ପତ୍ର ଲେଖିଛନ୍ତି। ନିର୍ଦ୍ଦେଶନାମା ଅନୁସାରେ, ପ୍ରାଥମିକ ଓ ମାଧ୍ୟମିକ ବିଦ୍ୟାଳୟ ସ୍ତରରେ ଶିକ୍ଷକଙ୍କ ବଦଳି ପାଇଁ ସୁପାରିସ କରାଯାଇପାରିବ। ଏହି ସୁପାରିସ ଜିଲ୍ଲାପାଳଙ୍କୁ ପଠାଯିବ, ଏବଂ ଜିଲ୍ଲାସ୍ତରୀୟ ବଦଳି କମିଟି (ଡିଏଲଟିସି) ଏହାର ବିଚାର କରିବ। ଗଣଶିକ୍ଷା ବିଭାଗ ୭ଟି ସର୍ତ୍ତ ରଖିଛି, ଯାହା ସରକାରୀ ବଦଳି ନୀତିର ଉଲ୍ଲଂଘନ ରୋକିବ। ଜରୁରୀ ଆବଶ୍ୟକତାକୁ ପ୍ରାଥମିକତା ଦିଆଯିବ, କିନ୍ତୁ ଗ୍ରାମାଞ୍ଚଳରୁ ସହରାଞ୍ଚଳକୁ ବଦଳି ଅନୁମୋଦିତ ହେବ ନାହିଁ। ବଦଳି କେବଳ ଜିଲ୍ଲା ଭିତରେ ସୀମିତ ରହିବ। ଚଳିତ ଶିକ୍ଷାବର୍ଷ ପାଇଁ ଏହି ସୁପାରିସ ବ୍ୟବସ୍ଥା ୧୫ ମେ’ରୁ ୧୫ ଜୁନ ୨୦୨୫ ଯାଏଁ ଲାଗୁ ହେବ। ଏହା ସ୍ଥାନୀୟ ଶିକ୍ଷା ଆବଶ୍ୟକତା ପୂରଣ କରିବା ସହ ନୀତି ଅନୁପାଳନ ସୁନିଶ୍ଚିତ କରିବ।