ମାଟ୍ରିକ୍ ପରୀକ୍ଷାରେ ଅନୁତ୍ତୀର୍ଣ୍ଣ ହୋଇଥିବା, ଏମ୍ପି (ମାଲପ୍ରାକ୍ଟିସ୍) ଚିହ୍ନିତ ହୋଇଥିବା କିମ୍ବା ପରୀକ୍ଷା ସମୟରେ ଅନୁପସ୍ଥିତ ରହିଥିବା ଛାତ୍ରଛାତ୍ରୀଙ୍କ ପାଇଁ ବୋର୍ଡ ପକ୍ଷରୁ ଏକ ସୁଯୋଗ ପ୍ରଦାନ କରାଯାଇଛି। ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ପାଇଁ ଫର୍ମ ପୂରଣ ପ୍ରକ୍ରିୟା ଆରମ୍ଭ ହୋଇସାରିଛି। ଛାତ୍ରଛାତ୍ରୀମାନେ ମେ ୨୬ ତାରିଖ ପର୍ଯ୍ୟନ୍ତ ନିଜର ଫର୍ମ ଜମା କରିପାରିବେ।
ଯେଉଁ ଛାତ୍ରଛାତ୍ରୀମାନେ ନିୟମିତ ସପ୍ଲିମେଣ୍ଟାରୀ ପରୀକ୍ଷାରେ ଅଂଶଗ୍ରହଣ କରିବାକୁ ଚାହୁଁଛନ୍ତି, ସେମାନେ ନିଜ ବିଦ୍ୟାଳୟର ପ୍ରଧାନଶିକ୍ଷକଙ୍କ ମାଧ୍ୟମରେ ଫର୍ମ ପୂରଣ କରିପାରିବେ। ଏଥିପାଇଁ ୪୨୦ ଟଙ୍କାର ଶୁଳ୍କ ଦେବାକୁ ପଡ଼ିବ।
ଚଳିତ ବର୍ଷର ମାଟ୍ରିକ୍ ପରୀକ୍ଷା ପରିସଂଖ୍ୟାନ ଅନୁଯାୟୀ, ୮,୩୬୨ ଜଣ ଛାତ୍ରଛାତ୍ରୀ ଅନୁପସ୍ଥିତ ଥିଲେ ଏବଂ ୧୭,୩୮୪ ଜଣ ଅନୁତ୍ତୀର୍ଣ୍ଣ ହୋଇଥିଲେ।
ମେ ୨୬ ତାରିଖରେ ଫର୍ମ ଜମା କରିବାର ଅନ୍ତିମ ତାରିଖ ପରେ, ବୋର୍ଡ ସପ୍ଲିମେଣ୍ଟାରୀ ପରୀକ୍ଷାର ତାରିଖ ଘୋଷଣା କରିବ।
